Мунира Нугманова зиёда аз 20 сол таҷрибаи фаъолият дар бахши молия дошта, дониш ва малакаҳои амиқро дар самти идоракунии хавфҳо бо фаҳмиши амалӣ аз бозорҳои деҳотии Тоҷикистон муттаҳид менамояд. Дар вазифаи менеҷери минтақавӣ ӯ фаъолияти филиалҳоро дар минтақаҳои дурдасти кишвар роҳбарӣ намуда, бо ҷомеаҳое ҳамкории наздик дошт, ки манбаи асосии даромадашон аз кишоварзӣ ва соҳибкории хурд вобаста аст. Ин таҷриба ба ӯ дарки амиқи маблағгузории деҳот, монеаҳои дастрасӣ ба хизматрасониҳои молиявӣ ва инчунин эҳтиёҷоту хавфҳои муштариёни камхизматрасонидашударо фароҳам овард.

Баъдан Мунира дар таҳкими низоми идоракунии хавфҳо дар FINCA Tajikistan нақши муҳим бозид, аз ҷумла дар рушди идоракунии хавфҳо дар сатҳи тамоми ташкилот, такмили назорати дохилӣ, ташаккули фарҳанги идоракунии хавфҳо, низоми назорат ва ҳисоботдиҳӣ ба Шӯрои директорон. Қобилияти ӯ дар пайваст намудани таҷрибаи амалии кор дар минтақаҳои деҳот бо воситаҳои самараноки идоракунии хавфҳо барои сармоягузороне, ки ба принсипҳои ESG аҳамият медиҳанд, арзиши махсус дорад, бахусус дар самтҳои фарогирии молиявӣ, қарздиҳии масъулона, ҳифзи ҳуқуқи мизоҷон, устувории амалиётӣ ва идоракунии шаффофи корпоративӣ.

Мунира дорои дараҷаи магистр дар соҳаи иқтисод бо ихтисоси бонкдорӣ аз Донишгоҳи давлатии Бохтар ба номи Носири Хусрав буда, ҳамчунин дараҷаи бакалаврро аз рӯи ихтисоси «Менеҷмент» аз факултети иқтисодии ҳамин донишгоҳ соҳиб шудааст.