Ташкилоти молиявии «ФИНКА Тоҷикистон» афзалияти навбатии худро дар самти рушди устувор ва масъулияти иҷтимоию экологӣ бо гирифтани рейтинги AFISAR® B++ аз ҷониби агентии баҳодиҳии Agents for Impact GmbH (Франкфурт, Олмон) тасдиқ намуд.

Системаи баҳодиҳии AFISAR® фаъолияти муассисаҳои молиявиро мувофиқи меъёрҳои ESG (экологӣ, иҷтимоӣ ва идоракунии корпоративӣ) арзёбӣ мекунад. Ноил шудан ба дараҷаи B++ аз садоқати FINCA Тоҷикистон ба принсипҳои қарздиҳии масъулиятнок ва васеъ намудани дастрасӣ ба хизматрасониҳои молиявӣ дар кишвар шаҳодат медиҳад.

«Ин натиҷа меҳнати пайвастаи тамоми дастаи моро дар самти татбиқи принсипҳои рушди устувор ва дастгирии соҳибкорон нишон медиҳад», — қайд намуданд дар роҳбарияти ташкилот.